Curso de Dirección ofrecido polo mestre Marcel van Bree

A banda Unión Musical de Valladares e o mestre Marcel van Bree organizan un curso de dirección musical de octubre de 2013 a xuño de 2014.

O curso pretende ofrecer un concepto técnico/interpretativo para a dirección musical a través do estudo e análisis dun repertorio que abarca diferentes épocas, estilos, formas e conxuntos; formando así unha selección representativa de diferentes tradicións musicais, co fin de aplicar este concepto ao repertorio bandístico que se axusta aos intereses do alumnado.

O curso está dirixido a directores ou músicos interesados na dirección musical preferentemente con estudos superiores. O curso consta de 10 clases teórico-prácticas de 4 horas, ensaios coa banda Unión Musical de Valladares e un concerto de clausura (xuño de 2014).

>> Descargar Bases do Curso de Dirección

Novo CD da Unión Musical de Valladares á venda

Co título "Ao Son da Banda", a Unión Musical de Valladares acaba de publicar este doble disco cheo de pezas galegas e españolas que farán as delicias dos amantes da música de banda.

Trátase dunha edición moi coidada que inclúe:

CD1
Pasodobles, jotas e muiñeiras gravadas este verán pola banda. Dende clásicos como "La del Manojo de Rosas" ou a recopilación de temas populares galegos "Foliadas" ata pasodobles de recente creación como "Al Maestro", de Víctor Fernández,  "A Muiñeira dos Pendellos" de Juan Lois Diéguez ou a jota "A Miña Pequena" de Felipe Codina.

CD2
Recolle a gravación en directo da Gala Lírica de Primavera que a Unión Musical de Valladares ofreceu o pasado 18 de maio no Teatro Centro Cultural NCG-Vigo.

A primeira parte do concerto foi unha homenaxe á cidade de Vigo coas pezas do noso amigo e compositor Xavier Comesanha: o pasodoble "Beade" e a sinfonía para banda "Vigolívica".

Na segunda parte contamos coas magníficas interpretacións da soprano Teresa Novoa. Unha selección de pezas clásicas da mellor zarzuela española nas que a banda e a soprano pasan por "La Revoltosa" de Chapí, "La Gran Vía" de Chueca ou os "Gigantes e Cabezudos" de Guerrero.

Para adquirir o doble disco por só 10 euros podedes:

- poñervos en contacto connosco no teléfono 657 969 653
- achegarvos á banda en calquera das súas actuacións.

Escola de Música - Matrícula aberta para o curso 2013/14

Está aberto o prazo de matrícula para o curso 2013/14, tanto para a inscrición de novos alumnos coma para a renovación dos alumnos xa matriculados.

• Música en movemento: alumnos de 4, 5 e 6 anos
• Iniciación á linguaxe musical: alumnos de 7 anos
• Linguaxe musical, música en conxunto e especialidade de instrumentos

Máis información: na escola de música da Unión Musical de Valladares

Estrada Xeral de Valladares, 233
Valladares (Vigo) Pontevedra 36314 España
Tf. 657969653